+28 °С
Болытлы
Новости
21 декабрь 2017, 07:42
Аварияләрне киметү максатында
Агымдагы елның 11 аенда республика территориясендә балигъ булмаганнар катнашлыгында 416 юл-транспорт вакыйгасы теркәлгән. Анда 22 бала һәлак булган, 428е төрле авырлыктагы тән җәрәхәтләре алган.
Юл-транспорт вакыйгаларын тикшергәндә шунысы ачыкланган, аларның күпчелеге балигъ булмаганнар катнашлыгында булган – 184. Шулай ук транспорт чарасына идарә иткән балигъ булмаганнар катнашлыгында аварияләрнең артуы күзәтелә – бу 22. Пассажир-балалар катнашлыгында 181 юл-транспорт вакыйгасы теркәлгән.
Стәрлебаш районы территориясендә 2 юл-транспорт вакыйгасы булган, анда 2 балигъ булмаган бала төрле тән җәрәхәте алган.
Кышкы каникул алдыннан һәм каникул вакытында 18 декабрьдән 12 гыйнварга кадәр район территориясендә балалар катнашлыгында юл-транспорт вакыйгалары санын киметү, балигъ булмаган җәяүлеләрне таптатуны кисәтү буенча максатлы чаралар үткәрү, мәктәп укучылары тарафыннан, мәктәп укучылары, шулай ук машина йөртүчеләр тарафыннан юл йөрү кагыйдәләрен бозуны кисәтү максатында “Игътибар - балалар!” шартлы исеме астында кисәтү чаралары үткәрелә.
Русия Эчке эшләр министрлыгының Стәрлебаш районы буенча бүлегенең ЮХХДИ бүлеге ата-аналардан, мәгариф учреждениеләре, мәктәп һәм балалар бакчалары администрацияләре вәкилләреннән, шулай ук юл хәрәкәтенең яшь инспекторларыннан анда актив катнашуларын сорый.
Үзара хөрмәт һәм юл йөрү кагыйдәләрен үтәү – юлларда хәвефсезлекне, гомерне һәм сәламәтлекне саклауны тәэмин итә. Моны һәрвакыт һәм һәркайда исегездә тотыгыз.
Фәнис ГЫЙЗЗӘТУЛЛИН,
Русия Эчке эшләр министрлыгы Стәрлебаш район бүлегенең ЮХХДИ бүлеге начальнигы.
