Икеләтә уңыш елмайды

Район гәзитеннән тыш, ул тагын да күп кенә республика гәзит-журналларына язылган.

- Минем яраткан басмаларым - "Йәшлек", "Тамаша", "Шонкар" һәм, әлбәттә инде, "Стәрлебаш шишмәләре", - ди Гөлниса Фәйзулла кызы.

- Өстәвенә мин призлар уйнатуда даими катнашам, һәм әйтергә кирәк, уңышсыз түгел. Шушы еллар эчендә төрле басмалардан унга якын истәлекле призлар: чәй сервизы, пледлар, шикәр савыты һәм башкаларны алдым. Узган елда аңа уңыш хәтта ике тапкыр елмая.

- Күпләр телефоннан шалтыратып котлады, ә иң истә калганы – район гәзите мөхәррире Мансаф Ганиевның изге теләкләре булды. Аңардан күп җылы сүзләр ишеттем, - дип хискә бирелде Гөлниса Фәйзулла кызы безнең белән сөйләшкәндә.

Ул көндәлек басмаларны укырга яратуын әйтте. Үзе генә түгел, шулай ук яңалыкларны белеп торсыннар, файдалы киңәшләрне һәм аш-су рецептларын куллансын өчен танышларына һәм туганнарына да гәзитләрне укырга бирә. Шул ук вакытта гәзиттә рекламалар азрак булсын иде дип теләде. Күп еллар Гөлниса Фәйзулла кызының актив авыл хәбәрчесе булуын, кызыклы мәкаләләр язуын билгелисе килә һәм моның өчен аерым рәхмәт.