“Баек”тан лауреатлар булып кайттылар

“Баек” республика телевизион конкурсында катнашырга хыялланмаган башкорт биюләре репертуарлы бер генә коллектив та юктыр, мөгаен. Ул тәэссоратлар диңгезе, авылдашлар, күршеләр, туганнар, дусларның алкышлары, соклануы... Әмма болар артында дистәләгән кешеләрнең гаять зур, тырыш хезмәте, йөзләгән репетицияләр сәгате, өйрәнүләр, кабатлаулар һәм сайланган әсәрне күрсәтү тора. Монда беркем дә хаталардан, көтелмәгән хәлләрдән һәм башка бик күп факторлардан сакланмаган. Безнең районнан ике халык коллективы – Әнисә һәм Кадрия Зөбәеровалар һәм Люция Байназарова җитәкчелегендәге “Ахирәтләр” эстрада-фольклор (Елембәт авыл мәдәният йорты) һәм “Күндерәккәй” башкорт фольклор ансамбльләренең (Шәкәр авыл клубы) иҗади үсеш тарихына керде. Алар хыялларын тормышка ашыруга иреште. Аларның катнашучылары гадәти үзешчән бию сөючеләр, башкорт мәдәниятен бәяләүчеләр һәм, һичшиксез, яшь буынга чын үрнәк.

Үтеп баручы елның декабрь ае конкурсантлар өчен генә түгел, алар өчен янып-көйгән тамашачылар өчен дә аеруча киеренке булды.

Һәм менә... 13 декабрьдә Уфада, “Башкортостан” Дәүләт концерт залында “Баек-2017” республика телевизион конкурсының юбилей Гала - концерты үтте. Анда Башкортстанның төрле шәһәрләреннән һәм районнарыннан Русия төбәкләреннән, якын чит илләрдән ялгыз һәм халык биюләре башкаручы 550 биюче катнашты.

Конкурста җиңүчеләр – призерлар билгеләнде. Алар арасында безнең коллективлар да I дәрәҗә лауреатлар булды! Лаеклы җиңү! Әмма моның белән генә дә бетми. Әнисә Зөбәерова (Елембәт авыл мәдәният йортының мәдәни оештыручысы, “Ахирәтләр” фольклор коллективы җитәкчесе) һәм Рәзилә Котлушина (Иске Калкаш мәдәният йортының сәнгать җитәкчесе) “Баек” телевизион конкурсында актив катнашканнары һәм мәдәният өлкәсендә күп еллар намуслы эшләгәннәре өчен республиканың Мәдәният министрлыгының Рәхмәт хатлары белән бүләкләнде. Ә Люция Байназарова (Шәкәр авыл клубының “Күндерәккәй” халык ансамбле җитәкчесе) һәм Кадрия Зөбәерова (сәхнәгә куючы, “Ахирәтләр” фольклор коллективы җитәкчесе), “Баек-2017” башкорт биюен башкаручыларның телевизион конкурсын төшерүне оештыруда катнашкан өчен республиканыңМәдәният министрлыгының "Башкортостан" телерадиотапшырулар компаниясе дәүләт унитар предприятиесенең Рәхмәт хатларына лаек булды.

- 10 декабрьдән 13енә кадәр Гала-концертка зур оештыру эше һәм аны үткәрүгә әзерлек алып барылды, - дип сөйләде кайткач Кадрия Зөбәерова. - Безнең коллективка атказанган мәдәният хезмәткәрләре, танылган хореографлар Рәис Низаметдинов һәм Фәнил Әсәдуллин җитәкчелегендә эшләү бәхете тиде. Алар "Ахирәтләр"дә катнашучыларның потенциалын һәм эш сөючәнлеген югары бәяләде. Дискуссияләр, бәхәсләр ике якның да үз фикерен яклавы - барысы да булды... Шулай да, бердәм фикергә килдек. Безнең коллектив оештыручыларга шул ягы белән - үзсүзлелеге һәм ныкышмалылыгы белән истә калгандыр, мөгаен.

Конкурстан тәэссоратларым турында кыскача әйткәндә ул башлануга ике атна кала гына без катнашырга карар иттек һәм эшкә тотындык. Барлык этаплар да уңышлы үтте, моның белән бик канәгатьбез. Безгә күренекле мәдәният эшлеклесе, бию традицияләрен саклаучы Ратмир Бәдретдиновның фикере бик мөһим булды. Моңа кадәр мин аны телевизордан гына күрсәм, хәзер үзеннән рәхмәт сүзләре ишеттем. Шулай ук башка күренекле һәм популяр жюри әгъзалары белән аралашу кызыклы булды. Әлбәттә, барысын да диярлек чыгышка әзерләү (толымнарын дөрес итеп үрергә, барысын бертөрле бизәндерергә, аннары үзеңә дә сәхнәгә чыгарга кирәк) - зур җаваплылык. Өлкән буын катнашучыларга аеруча үзенчәлекле якын килү таләп ителә. Мин аларга ышандым, һәм алар йөзгә кызыллык китермәде. Моның өчен барысына да зур рәхмәт. Конкурсның үзеннән күңелле тәэссоратлар гына калды.

Ә безгә коллективларга артабангы иҗади үсеш, Кадриягә – яңа идеяләр, катнашучыларга – сәламәтлек һәм бердәм иҗади мохиттә күңелле аралашу теләргә кала. Мәдәниятне үстерүдә сезнең роль бәяләп бетергесез, активлылыгыз һәм саекмас егәрлегегез соклангыч. Киләсе 2018 ел гаиләләрегезгә тынычлык һәм иминлек алып килсен!

ҮЗ ХӘБӘРЧЕБЕЗ. Фото район Мәдәният йорты сайтыннан алынды.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хезмәте

8 (34739) 22354

Редакция

8 (34739) 22353

Кабул итү бүлмәсе

8 (34739) 22353

Хезмәттәшлек

8 (34739) 22378

Кадрлар бүлеге

8 (34739) 22354