+28 °С
Болытлы
Төрлесеннән
23 август 2019, 06:33
Һава торышы: ялларда нинди булачак?
Гидрометүзәкнең төбәк идарәсе белгечләре республикада ялларда нинди һава торышын көтәргә икәнен сөйләде. Җылы булачак, аерым районнарда хәтта эссе, дип фаразлый синоптиклар.
Бүген көндез һава торышы +24 ... +29 градус тәшкил итәчәк. Явым-төшем көтелми, нибары Башкортстанның төньягы буенча кыска вакытлы яңгыр явып үтүе ихтимал.
23еннән 24 август төнендә +10...+15 көтелә, әбәдкә таба +20...+25 җылытачак, көньяк буенча термометр баганалары +31 градуска кадәр күтәреләчәк. Якшәмбе көнне төнлә +8...+13, көндез +18...+23, көньяк районнарда һава +28 градуска кадәр җылыначак. Ялларда синоптиклар урыны-урыны белән кыска вакытлы яңгырлар, көньяк-көнбатыштан төньякка күчүчән җил вәгъдә итә.
Алдагы атна башында суытачак. Августның соңгы көннәрендә һава торышы көндез +12...+17 градус булачак. Нишлисең, көз якынлаша...
"Өмет" гәзитеннән.
