+28 °С
Болытлы
Төрлесеннән
18 июль 2019, 13:00
Якындагы биш елда аномаль эссе булачак
Якындагы биш елда Русиядә аномаль эсселек хөкем сөрергә мөмкин, дип белдерә Русия Фәннәр академиясе Обухов исемендәге Атмосфера физикасы институтының өлкән фәнни хезмәткәре – климатолог Александр Чернокульский.
Галим сүзләренчә, моның булуы бик тә ихтимал. «Себердәме, әллә Европа территориясендәме – анысын әйтүе кыен, әмма югары температура урнашырга мөмкин», - дип искәртә ул.
Моның ачык мисалы – Көнбатыш Европа. Быел анда термометрның терекөмеш баганасы 42-44 градуска кадәр күтәрелде, дип яза “Татар-информ”.
«Бездә чагыштырмача салкын, әмма боларның барысы да шул бер үк процесс: антициклон урнашкач, шартлы рәвештә, аның бер өлешеннән – җылы, икенчесеннән салкын һава үтеп керә», - дип аңлата Чернокульский.
Резеда Галикәева.
"Кызыл таң" гәзитеннән алынды.
