Хушбуйны ачып күрсәтегез!

"Роспотребнадзор" белдерүенчә, ислемай сайлаганда товарның тартмасында яисә этикеткасында язылган мәгълүматка игътибарлы булырга кирәк.

Анда духи яисә одеколонның кайсы илдә, нинди оешмада җитештерелгәне, дәгъвалар белән нинди адрес буенча мөрәҗәгать итәргә кирәклеге, шулай ук составы, саклану вакыты һәм шартлары, партия номеры һәм махсус коды язылырга тиеш.

Әгәр дә кибеттә тартмадагы хушбуйның целлофан төргәген ачудан баш тартсалар, бу сатып алучының хокукларын бозу дигән сүз. Сатучы, төргәкне ачып, товарны күрсәтергә тиеш.

"Кызыл таң" гәзитеннән алынды.