+13 °С
Болытлы
Барлык яңалыклар
Төрлесеннән
1 февраль 2019, 11:30
Февраль
Рим календаренда ел нәкъ февраль аенда тәмамлана. Ә атамасына килгәндә, febris латин теленнән “өшү, калтырау” дигәнне аңлата. Моны Җир асты патшалыгы иясе Фебрис, яки өшү, калтырау халәте өчен җаваплы патшабикә Фебрис исеме белән бәйлиләр. Чын мәгънәсендә Februarius “чистарыну, күңел ачу” дигәнне дә аңлата. Бу – елның иң кыска ае, ул гадәти елда – 28, кәбисә елында 29 көн тәшкил итә. “Лютень” – февральнең борынгы аталышы. Шулай ук, бу айны еш кына “снежень” (салкын булганга), “сечень” (кыш белән язны аерганга, җил-давыл, буранлы булганга), “бокогрей” (кояш җылыта башлаганга) дип тә атап йөртәләр.Явым-төшемнәргә, чатлама салкыннарга, бураннарга бай ай. Февральдә көн озынлыгы ике сәгатькә арта, халык әйтмешли, “ат адымы кадәр озыная”. Шулай да февраль – февраль инде. Кояш яратыбрак, иркәләбрәк карый башлый. Сипкел өләшүче кояш күбрәк хакимлек итәрме быел, акман-токманнар өерелеп йөрерме – фаразлау кыен, әлбәттә. Ничек кенә булмасын, башланган елыбыз имин, ил-көннәребез тыныч булсын. Уңышлар да килсен өчен февраль тырышлыгы да бик кирәк ич!
Һөнәри бәйрәмнәр, истәлекле көннәр һәм юбилейлар
1 – Русиянең һәм Башкортстанның атказанган табибы, Русиянең һәм Башкортстанның атказанган фән эшлеклесе, Салават Юлаев ордены кавалеры, медицина фәннәре докторы Марат Азнабаевка 80 яшь;
– шагыйрь, Башкортстанның атказанган мәдәният хезмәткәре, Зәйнәп Биишева исемендәге әдәби премия лауреаты Зөфәр Вәлиткә 70 яшь;
– шагыйрь, Русиянең һәм Башкортстанның атказанган мәдәният хезмәткәре Муса Сираҗига 80 яшь.
2 – Русиянең Хәрби дан көне. Сталинград сугышында совет гаскәрләре немец-фашист илбасарларын тар-мар иткән көн.
4 – Бөтендөнья яман шеш авыруына каршы көрәш көне;
– башкорт милли-азатлык хәрәкәте җитәкчеләренең берсе, күренекле дәүләт эшлеклесе Муллаян Халиковның тууына 125 ел.
5 – Советлар Союзы Герое Александр Матросовның тууына 95 ел.
6 – Русиянең һәм Башкортстанның атказанган табибы, Русиянең Дәүләт санитария-эпидемиология хезмәтенең шәрәфле хезмәткәре, медицина фәннәре докторы, профессор Лена Карамовага 80 яшь;
– Башкортстанның халык артисты, диктор Әхәт Мортазинның тууына 60 ел.
7 – Башкортстан Республикасының беренче Президенты Мортаза Рәхимовка 85 яшь.
8 – Русия фәне көне.
9 – Гражданнар авиациясе хезмәткәрләре көне;
– Башкортстанның халык шагыйре Рәшит Нигъмәтинең тууына 110 ел.
10 – Дипломатик хезмәткәрләр көне;
– Бөтендөнья радио көне;
– РСФСРның халык мәгарифе отличнигы, БАССР мәктәпләренең атказанган укытучысы, Русия һәм Башкортстан Журналистлар берлекләре әгъзасы Булат Акмановка 90 яшь.
13 – Русиянең атказанган, Башкортстанның халык артисты Суфия Корбангалиевага 70 яшь.
14 – Бөтендөнья гашыйклар көне;
– Бөтендөнья компьютерчылар көне;
– Халыкара китап бүләк итү көне;
– Советлар Союзы Герое Таһир Кусимовның тууына 110 ел.
15 – Ватан чикләреннән читтә хезмәт бурычын үтәгән русиялеләрне искә алу көне;
– Халыкара яман шеш авыруы белән авыручы балалар көне;
– Әфганстаннан совет гаскәрләрен чыгаруга 30 ел;
сатирик язучы Камил Фазлыйга 70 яшь;
Башкортстанның халык артисты Фәнүнә Сираҗетдиновага 70 яшь.
17 – Русиянең студент отрядлары көне;
– Бөтендөнья изгелек күрсәтү көне;
– атаклы мәгърифәтче, педагог һәм галим Мирсалих Бикчуринның тууына 200 ел.
18 – Транспорт полициясе көне.
20 – Бөтендөнья социаль гаделлек көне.
21 – Халыкара туган тел көне.
23 – Ватанны саклаучылар көне.
25 – Республиканың Дәүләт флагы көне.
"Кызыл таң" гәзитеннән.
Читайте нас:
© 2020-2024 Сайт издания "Стәрлебаш чишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хезмәте
8 (34739) 22354
Редакция
8 (34739) 22353
Кабул итү бүлмәсе
8 (34739) 22353
Хезмәттәшлек
8 (34739) 22378
Кадрлар бүлеге
8 (34739) 22354