-3 °С
Кар
Барлык яңалыклар
Төрлесеннән
31 гыйнвар 2019, 16:06
Киеменә нефть буялгач, рәссам иҗаты үзгәрә
Нефть белән рәсем ясау остасы Марсель Шәйдуллин исеме көннән-көн зуррак игътибар җәлеп итә. Егетебез мул сулы чишмә кебек туктаусыз иҗатта. Аның эшчәнлегенә карап, “күз тимәсен” дип теләп торабыз.
Бүген Марсель Россия-Башкортстан каналында туры эфирда кунак булды. Ул кара алтынны кулланып рәсем ясау буенча осталык серләре белән уртаклашты.
Тумышы белән Бакалы районы егете күп еллар Уфада яши. Ул югары белемле нефтьче. Нефть һәм газ табу компаниясендә инженер булып эшли. Вахтадан бушаган арада иҗат итә. Моңарчы ул майлы буяулар белән генә эшли иде. Ә бервакыт киеменә нефть буялгач, ул үзе өчен яңа иҗат алымын ача.
Марсельнең эшләре зур кызыксыну уята. Аеруча нефть сәнәгатендә эшләүчеләр аның осталыгын югары бәяли. Шәхси күргәзмәсен оештыру тәкъдимнәре арта. Марсель Наил улының иҗаты Уфада гына чикләнми, күрше төбәкләргә юл ала. Тиздән, ягъни 4 февральдә, Самарада рәссамның “Нефтькә илткән юлым” исеме астында шәхси күргәзмәсе ачыла. Анда Марсель егерме биш эшен тәкъдим итәчәк.
Уңышлар сиңа, уңган егетебез!
Алсу Хәбирова.
"Өмет" гәзитеннән.
Читайте нас:
© 2020-2024 Сайт издания "Стәрлебаш чишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хезмәте
8 (34739) 22354
Редакция
8 (34739) 22353
Кабул итү бүлмәсе
8 (34739) 22353
Хезмәттәшлек
8 (34739) 22378
Кадрлар бүлеге
8 (34739) 22354