Башкортстан ветераннары Санкт-Петербургтан акча алачак

Республика Хезмәт һәм халыкны социаль яклау министрлыгы белдерүе буенча, бер тапкыр акчалата түләү 2019 ел дәвамында, гыйнварның соңгы декадасыннан башлап башкарылачак.

Кирәкле документларны республиканың халыкка социаль ярдәм күрсәтү үзәге белгечләре җыйган. Акчалата түләүдән тыш, ветераннар Санкт-Петербургның «Ленинградны фашистлар блокадасыннан тулысынча азат итүгә 75 ел тулу уңаеннан» истәлек билгесе (27 гыйнвар көнне билгеләп үтелә) һәм котлау открыткалары алачак. Очрашуларны муниципалитетлар оештыра.