Кибеткә генә киткән булган...

Баланың әти-әнисе бу хакта тиз арада полициягә хәбәр итә.

Әлеге хәбәр бу вакытта шәһәр буенча патрульдә йөргән ведомствоара сак хезмәткәрләренә дә килеп ирешә. Кызның төс-кыяфәт билгеләрен алганнан соң, “Росгвардия” хезмәткәрләре Марс Сәхәветдинов белән Ирек Абдуллин тирә-як территорияне тикшерергә керешә. Бала бер супермаркет янында табыла. Ул кибеткә баруын барган, ләкин кайтыр юлны оныткан. "Росгвардия"челәр сабыйны әнисенә илтеп тапшырган.

Бу хәл анага зур сабак булгандыр, дип өметләнергә кирәк...