Кичәге давыл яшь ханымны үтергән!

Бу куркыныч табигать күренеше күрше Татарстанда да күзәтелде: Мөслим районында 34 яшьлек Лилия Нуриеваның гомерен өзде.

Кичке сәгать биштә эшеннән чыгып барганда (ул кибеттә сатучы булып эшләгән була) аның өстенә түбә кыегы килеп төшә. Иң куркынычы - бу хәл аны алырга килгән иренең, 12 һәм 7 яшьлек ике баласының күз алдында була.

Хатынны ашыгыч рәвештә дәваханәгә алып киләләр, тик гомерен саклап кала алмыйлар.

Аллаһ "Сакланганны саклармын", дигән. Җил-давыл якынлашуын күргән очракта, тизрәк бина эченә кереп китү җаен карагыз, хөрмәтле укучыларыбыз.

Метереологлар бүген дә һава шартларының тотрыксыз булуын, бу җил-давылның республикага якынлашуын искәртә. Сак булыгыз!