Хәвефле корткыч – көрән-мәрмәр кандала

Көрән кандала җиләк-җимеш культураларын юк итә. Ул 49 гаиләдән 100 төрдән артык үсемлек белән тукланучы агрессив корткыч. Аеруча җиләк-җимеш культураларына зыян китерә. Яшелчә һәм ашлык культураларына, декоратив һәм чүп үләннәрен зарарларга мөмкин.

Барлык җимеш культураларын диярлек – алмагач, груша һәм барлык цитрусларны, персик, виноград культураларын зарарлый. Яшелчәләрдән томат, фасоль, кыярга өстенлек бирә. Бөртеклеләрдән – кукуруз һәм декоратив культураларны юк итә. Үзенә туры килгән үсемлекләр булмаганда кыргый һәм чүп үләннәрендә үрчергә сәләтле.

Кандала барлык үсеш стадиясендә зарарлы. Личинка һәм үсешкән бөҗәк бер үк төрле үсемлекләр белән туклана, күпчелек бакча культураларының җимешләрен һәм яшь үсентеләренә өстенлек бирә. Үсеш тизлеге буенча елына алты буынга кадәр нәсел бирә ала. Җитешкән кандала әйбәт оча һәм ерак араларга таралырга мөмкин.

Кандала таралу ихтималының аеруча таралган юллары булып транспорт чаралары, контейнерлар, үсемлекләр (үсентеләр) һәм үсемлекчелек продукцияләре тора.