Тугры йөрәкле малайлар турында китап

Һәркемнең тормышында бәла булырга мөмкин. Берәүләр мондый хәлдә көчсезләнеп елый, икенчеләр тешләрен кысып бәлага каршы көрәшә (бәлки алар да бу вакытта елыйдыр). Мин сөйләргә теләгән китап – кыю Владик исемле малай турында. Һәм аның дуслары: чын дуслыкны барлык хәзинәләрдән дә ныграк бәяләгән тугры Генка, әйбәт кешеләр белән бернинди дә бәхетсезлек булмавын теләгән кечкенә куркусыз Илька. Бу повесть – тугры һәм кыю йөрәкле малайлар турында. Андыйлар беркайчан да җилгә аркасын куймый. Хәтта ул бик көчле давыл булса да. Владислав Крапивинның “Та сторона, где ветер” китабы безнең район авылара китапханәсендә бар. Килегез, без сезне көтәбез!