Кемнәр җиңүче?

Исегезгә төшерәбез, 9 октябрьдә Римма Баталова исемендәге республика спорт әзерлеге үзәгендә төбәк җитәкчесе илнең иң көчле көрәшчеләре ярышларына старт бирде. Анда Русиянең 34 төбәгеннән 300дән артык спортчы һәм тренер катнашты.

Ярышларның соңгы көнендә 60, 67, 77, 87 һәм 130 килограмм кадәр авырлык категориясендә спортчылар очрашты.

- Барыннан да элек, сезне безнең өчен мөһим бәйрәм – Республика көне белән котлыйсым килә – Башкортстан, бөек илебез кебек үк, алга барсын һәм үссен! - диде Радий Хәбиров. - Шулай ук көрәшче спортчыларга да рәхмәт әйтәсем килә. Шушы өч көн эчендә алар спортның бу төрен югары дәрәҗәдә һәм матур итеп күрсәтеп, безгә чын күңелдән рәхәтлек китерделәр. Хәзер грек-рим көрәше секциясенә күбрәк бала килер дип ышанам. Ә без инде иртәгәдән яңа ярышларга – 2021 елда Башкортстанда узачак үсмерләр арасында спорт көрәше буенча дөнья чемпионатына әзерләнә башлаячакбыз.

Узган ярышлар нәтиҗәләре буенча Санкт-Петербург командасы спорт көрәше буенча Русия Кубогына ия булды, икенче һәм өченче урыннарны Мәскәү һәм Мордовия Республикасы җыелма командалары алды.

Фото: Башкортстан Башлыгы.