+28 °С
Болытлы
Спорт
10 июль 2019, 08:22
Халыкара балалар уеннары югары дәрәҗәдә үтәргә тиеш!
53нче җәйге Халыкара балалар уеннары объектларын төзекләндерүгә 4 миллиард сумнан артык акча юнәлтелгән. Бу хакта Башкортстан башкаласы хакимияте вәкилләре һәм яшьләр сәясәте Һәм спорт министры Руслан Хәбибов белдерде.
- "Газпром" компаниясе, уеннарның генераль иганәчесе буларак, 150 миллион сум акча бүлеп бирде. Русия Спорт министрлыгыннан 15 миллион сум күләмендә өстәмә финанслау алдык, - дип билгеләп үтте яшьләр сәясәте һәм спорт министры Руслан Хәбибов.
Шулай ук, ведомство җитәкчесе хәбәр иткәнчә, республика Камышлыдагы Спорт әзерлеге үзәге төзелешенә һәм спорт җиһазлары сатып алуга 3,5 миллиард сумнан артык акча юнәлткән.
Уфа хакимияте башлыгы Өлфәт Мостафин сүзләренә караганда, шәһәр "Кашкадан" мәйданчыкларын һәм паркын төзекләндерүгә 83 миллион сум акча бүлгән.
Ример Насретдинов.
"Кызыл таң" гәзитеннән.
