Спорт ярышлары белән билгеләделәр

"Бердәм Русия" Бөтенрусия сәяси партиясе әгъзалары һәм тарафдарлары аның төзелүенең 16 еллыгын билгеләде - алар 1 декабрьдә "Стәрле" спорт - сәламәтләндерү комплексында җыелдылар. Аларны партиянең урындагы бүлеге секретаре, район хакимияте башлыгы Ф.З.Туктаров җылы сәламләде һәм котлады. Ул тагын бер тапкыр районның социаль-мәдәни көнкүреш объектларында ремонт үткәрергә ярдәм иткән партия проектлары турында искә төшерде. Киләсе елның мартында булачак РФ Президентын, ә көзен республика парламентына депутатлар сайлау турында искәртте.

Балалар иҗат йорты тәрбияләнүчеләре һәм “Фламинго- дубль” бию ансамбле чыгышлары чараны бизәде.

Аннары бүләкләү вакыты җитте. Фәнүр Зөфәр улы партия эшчәнлегендә актив катнашканнары һәм нәтиҗәле эшләгәннәре өчен башлангыч бүлекләр секретарьлары – З.В.Абдуллинага (“Турмай” башлангыч бүлеге), Р.Р.Әбүләевка (“Уку” башлангыч бүлеге), Л.Р.Акчуринага (“Первомайский” башлангыч бүлеге), Л.И.Искәндәровага (“Дәвалау” башлангыч бүлеге), Р.А.Минеяровка (“Бузат”башлангыч бүлеге) “Бердәм Русия” Бөтенрусия сәяси партиясенең урындагы бүлегеннән Рәхмәт хатлары һәм истәлекле бүләкләр тапшырды.

2008 елдан башлап районда “Чиста су” партия проекты тормышка ашырыла. Шушы елның башында аның кысаларында чишмәләрне төзекләндерү буенча конкурс игълан ителгән иде. Аңарда алты башлангыч бүлек катнашты. Конкурс нәтиҗәләре буенча беренче урын алты чишмә һәм коены төзекләндергән “Хәлекәй” башлангыч бүлегенә бирелде. Икенче урынны "Карагыш" һәм "Айдарәле" башлангыч бүлекләре бүлеште, өченче урында - "Тәтер- Арслан", "Кабакуш" һәм "Стәрлебаш" башлангыч бүлекләре. Җиңүчеләргә Дипломнар һәм истәлекле бүләкләр тапшырылды.

Муниципаль район Советының соңгы утырышында авыл биләмәләре милкенә муниципаль күчемле милекне түләүсез тапшыру турында карар кабул ителгән иде. Очрактан файдаланып, район Советы рәисе Ю.Х.Рысаев та күңелле эш башкарды - дүрт авыл биләмәсе башлыкларына "Лада Гранта" эш автомашиналарыннан ачкычлар тапшырды.

Аннары ярышлар һәм аралашу вакыты җитте. Чарада катнашучыларга йөзүдә пневматик винтовкадан атуда, озынлыкка сикерүдә аркылы борыста күтәрелүдә һәм кулларда этеп күтәрелүдә көч сынашырга тәкъдим ителде. Алар чәм һәм мавыгу белән көч сынашты, аннары барысы да буфетта чәй табыны артында җыелды. Кыскасы, бәйрәм әйбәт килеп чыкты – хәстәрлекләрдән һәм мәшәкатьләрдән актив ял да иттеләр, рәхәтләнеп аралаштылар, ә җиңүчеләргә Дипломнар һәм истәлекле призлар тапшырылды. Ярышлар йомгаклары буенча, “Уку” башлангыч бүлеге командасы иң күп призлы урыннар җыйды (1 санлы урта мәктәп укытучылары дүрт беренче һәм ике икенче урыннар алды). Ә аерым төр ярышларда түбәндәгеләр җиңде: йөзүдә Рафикъ Әбүләев (“Уку” башлангыч бүлеге) һәм Әлфия Ташбулатова (“Яңа Калкаш” башлангыч бүлеге); озынлыкка сикерүдә – Алик Мәхмүдов (“Уку” башлангыч бүлеге) һәм Руфина Камалетдинова (“Мәктәпкәчә” башлангыч бүлеге); пневматик винтовкадан атуда – Фоат Вилданов (“Куганакбаш” башлангыч бүлеге) һәм Резеда Габдрәхимова (“Уку” башлангыч бүлеге); аркылы борыста һәм кулларда этеп күтәрелүдә – Рафикъ Әбүләев (“Уку” башлангыч бүлеге) һәм Гөлнара Котлушина (“Иске Калкаш” башлангыч бүлеге).

Елена ХӘЛИУЛЛИНА. Фото Н.К.ГЫЙЗЗӘТУЛЛИНА тарафыннан бирелде.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хезмәте

8 (34739) 22354

Редакция

8 (34739) 22353

Кабул итү бүлмәсе

8 (34739) 22353

Хезмәттәшлек

8 (34739) 22378

Кадрлар бүлеге

8 (34739) 22354