Сәгать 12гә сайлаучыларның 25,07 проценты тавыш биргән

Ул билгеләп үткәнчә, узган ел бу вакытка Дәүләт җыелышына сайлауларда сайлаучыларның — 17,3 проценты, ә 2014 елда Башкортстан Башлыгын сайлауларында 24,2 проценты тавыш биргән. Килү буенча лидерлар - Балтач, Борай, Миякә районнары.

«Бүген сайлау барышында хокук бозулар теркәлмәде. Бүген республикада беренче тапкыр 37 меңнән артык сайлаучы тавыш бирә», - диде Марина Долматова.

Уфада 12 сәгатькә 18,09 процент сайлаучы килгән, шәһәрләр буенча — 18,46 процент, республика районнары буенча — 30,99 процент. Сайлаучылар исемлегенә барлыгы 3 млн. 44 мең 232 сайлаучы кертелгән, шуларның 12 сәгатькә 763 меңе үз тавыш бирү хокукыннан файдаланган.