Уфада сайлау көнендә җәмәгать матбугат үзәге эшли

Көн дәвамында партия вәкилләре, политологлар, белгечләр һәм дәүләт власте органнары вәкилләре катнашлыгында брифинглар үтә. Алар сайлауга күпме кешенең килүе, инвалидларны, барырга юлы кыен булган торак пунктларында яшәүчеләрне, тәфтиш изоляторында булганнарны, аэропортта һәм тимер юл вокзалында үтеп баручы пассажирларны, дәваханә пациентларын, шифаханәләрдә ял итүчеләрне тавыш бирү мөмкинлеге белән тәэмин итү турында мәгълүмат бирә.

Республикада күпме кеше тавыш бирергә килгән һәм тавыш бирү барышы хакында мәгълүматны туры трансляция режимында республиканың Үзәк сайлау комиссиясеннән бирәләр. Медиаүзәктә политологлар эшли, алар тавыш бирү барышына комментарий бирә.