Стәрлебашлылар зур активлык күрсәтте

Якшәмбе көнне, 3 июньдә, “Бердәм Русия” сәяси партиясе шушы елның көзендә сайлауда Башкортстан Республикасы Дәүләт Җыелышы – Корылтайга депутатлыкка кандидатлар билгеләү өчен алдан тавыш бирү үткәрде. Алдан тавыш бирү көнендә республикада 662 исәп участогы ачылды. Аларда, гомум катлаулыкта, Дәүләт Җыелышына депутатлыкка 584 кандидат катнашты. Праймериз процедурасы күп нәрсәдә гадәти сайлауларга охшаган. Исәп участогына паспорт белән килеп, тавыш бирергә кирәк иде. Быел “Бердәм Русия” интернет аша тавыш бирү мөмкинлеген бирде. Республикада 14892 кеше онлайн тавыш биргән. Бу күрсәткечләрне исәп участоклары протоколлары мәгълүматлары белән кушалар.

Бу көнне иртән безнең районда да билгеләнгән вакытта – иртәнге сәгать сигездә барлык алты исәп участогы да ачылды һәм сайлаучыларны кабул итә башлады. Көн яңгырлы булуга карамастан, монда бәйрәм мохите хакимлек итә, музыка уйный, бәйрәмчә киенгән кешеләр бер-берсен сәламли иде.

Район Мәдәният йортында урнашкан исәп участогында иртән иртүк кеше күп иде. Гаиләләре белән килүчеләргә карап торуы күңелле. “Без сайлауларны калдырмаска тырышабыз. Язмышыбыз үз кулыбызда. Кемнеңдер килеп тавыш бирмәвеннән кандидатка түгел, үзебезгә начар була. Үзебезнең киләчәкне үзебез кайгыртмасак, моны безнең өчен башкалар эшләр”, - диделәр ирле-хатынлы Рима һәм Флорид Кәримовлар, бюллетеньнәрен тартмага салганда (рәсемдә).

Тавышларны исәпләүләрдән күренүенчә, алдан тавыш бирүдә район сайлаучыларының гомум саныннан 16,47 процент катнашкан.

Лиана ЯРМИЕВА. А.ЗӘЙНЕТДИНОВ фотосы.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хезмәте

8 (34739) 22354

Редакция

8 (34739) 22353

Кабул итү бүлмәсе

8 (34739) 22353

Хезмәттәшлек

8 (34739) 22378

Кадрлар бүлеге

8 (34739) 22354