Авыру йоктырмагыз!

Республика тире-венерология авырулары дис­пансерының табиб-дерматовенерологы Галия Төх-вәтуллина әйтүенчә, кеше папилломасы вирусының йөздән артык төре билгеле. Гадәттә авыруны 30 яшькә кадәр йоктыралар. Вирус эләктерү хәвефе аеруча түбәндәге төркем кешелә­рендә югары: иртә җенси тормыш башлаучылар, бер­ничә партнер белән мөнә-сәбәттә яшәүчеләр, җенси юл белән күчкән авырулары булганнар, иммунитеты какшаганнар, аборт эшләткән хатын-кызлар һәм башкалар.

– Вирус йокканнан соң 1-3 ай вакыт үткәч, кешенең тәнендә (ирләрдә дә, хатын-кызларда да җенси органнар тирәсендә) кондиломалар – аксыл-ал төстәге йомшак очлы сөялләр барлыкка килә, – ди табиб. – Иммунитеты көчле кеше­ләрдә вирус озак вакыт үзен сиздермәскә дә мөмкин.

Кондиломаларның үзен-нән-үзе юкка чыкмавын да билгеләде Галия Нургали кызы. Кондиломалар авыртырга, кычытырга, канарга мөмкин. Бу очракта икенчел бактериаль һәм гөмбәчекле инфекция кушыла. Вирус-ның кайбер төрләре яман шеш китереп чыгарырга да мөмкин.

– Кондиломалар сыек азот криодеструкциясе, электрохирургия кисүе, лазер терапиясе юлы белән алып ташлана. Иммунитетны ныгыту буенча чаралар күрелә, – ди табиб-дерматовенеролог. – Күпән түгел кондиломалар барлыкка килгән кеше ВИЧ һәм башка җенси юл белән бирелүче инфекцияләрдән тикшере­лергә җибәрелә. Сөялләрне алдыргач, вирусның партнерга йогу хәвефе кими төшә. Презер­вативның папиллома вирусын йоктырмауда нәтиҗәлелеге исбат ителмәгән, шулай да аны кулланырга кирәк, чөнки ул башка күп җен-си инфекци­яләрдән саклый.

Табиб бил-геләвенчә, вирус ачыкланса-ачыкланмаса да даими анализлар тапшырып, тикшерелеп яшәргә кирәк. Хә­вефле папилломавирустан саклануның иң гади ысулы – аз таныш булган, ышанычсыз партнер белән җен-си мөнәсәбәткә керүдән баш тарту.

– Кеше папилломасы ви-русының кайбер хәвефле төрләреннән вакциналау да бар. Ул аналык юлы яман шешен кисәтүгә юнәлтел-гән. Безнең илдә ул привив­каларның Милли кален-даренә керми, аны түләүле клиникаларда гына ясатырга була, – ди Галия Төхвә-туллина. – Ә профилактикага килгәндә, шуларны истә тотарга кирәк: бер генә ышанычлы кеше белән мөнәсәбәтләрдә булырга, сәламәт тормыш алып барырга, гигиена әйберлә-ренең (кырынгыч, мунчала, сөлге, сабын һ.б.) үзеңнеке генә булуы мотлак.

Җенси юл белән бире-лүче инфекцияне табибсыз, үзең дәвалау белән шө-гыльләнүнең бик хәвефле булуын да кисәтә табиб.

Авыруга шик булган очракта белгечкә күренергә кирәк. Республика тире-венерология авырулары диспансеры Уфада ике адрес буенча бушлай кабул итә: Затон бистәсендә Союз урамы, 37нче йорт (телефон: 287-12-53), Индустриаль шоссе урамы, 42нче йорт (242-38-51). Түләүле медицина хезмәтләре бүле­ге Революцион урамындагы 58нче йортта урнашкан (телефон: 272-56-06).