Бер кашык ризыкны тәлинкәдә калдырырга ярыймы?

Рөстәм Хәйруллин, «Гаилә» мәчете имам—хатыйбы:

– Әлбәттә, рәсүлебез галәйһисәллам безне ризыкны калдырмаска өйрәтә. Ул ипи кисәге белән тәлинкә төбендәгесен сыпыра торган булган. Анда бәрәкәт кала дип өйрәткән. Шуңа да ризыкны калдыру дөрес булмас. Кайбер әниләр мәҗбүриләп ашатмау яклы. Динебездә мәҗбүриләү дигән нәрсә юк. Әниләр аш салганда, баласының күпме ашыйсын белә. Безнең өч малай, алар өчесе дә төрлечә ашый. Шуңа күрә ризыкны бүлгәндә, чамалап салырга кирәк. Ризыкны түгәбез икән, ул исраф санала, ягъни гөнаһ дигән сүз.

Фото:Пиксабай

Чыганак:https://vatantat.ru