Яңа уку йортларына рәхим итегез!

Мәгариф министры Гөлназ Шәфыйкова белдерүенчә, бу уку йортларына укучыларны кабул итү башланган да инде.

Предуниверсарийның берсе Уфа дәүләт нефть техник университеты һәм инженер лицей-интернаты каршында ачыла. Конкурсның сайлап алу турын югары уку йорты педагоглары үткәрә.

Дәүләткилдиев исемендәге Республика сәнгать гимназия-интернаты базасында тагын бер предуниверсария ишекләрен ачачак. Бу - М. Акмулла исемендәге Башкортстан дәүләт педагогия университеты белән мәктәпнең уртак проекты.

Әлегә кадәр гимназиядә сәнгать профиле генә булса, хәзер аңа гуманитар һәм филология юнәлеше дә кушылачак, ди белгечләр.

Предуниверсарий — югары уку йортларының мәктәпләр белән бәйләнешенең яңа варианты.