Халыкара конкурска гаризалар кабул ителә

Конкурс 20-25 сентябрьдә Русия Мәдәният министрлыгы булышлыгында “Уфада Шаляпин кичәләре” дигән Халыкара опера сәнгате фестивале кысаларында үтәчәк. Жюри рәисе – Башкортстанның халык артисты, халыкара конкурслар лауреаты Аскар Абдразаков.

Конкурста катнашу өчен яшь җырчылар чакырыла. Катнашучылар җибәрелгән видеоязмалар буенча сайлап алына.

Бәйге ике турдан тора: фортепиано озатуында арияләр һәм романслар, симфоник оркестр озатуында арияләр. Гран-при яулаучыга 350 мең сум күләмендә акчалата премия каралган.

Гран-при, беренче һәм икенче урын яулаучылар 25 сентябрьдә фестивальнең гала-концертында чыгыш ясаячак.

Тулы мәгълүмат белән Башкортстан дәүләт опера һәм балет театры сайтында танышырга мөмкин.