Мөлкәтегезне саклауга зур игътибар бүлегез

Суыклар башлану белән авыл халкы кышкылыкка мал-туар һәм кош-корт суя башлый. Хуҗалар ит продукциясен гараж һәм келәткәкадерләп элеп куя. Җинаятьчеләр мондый биналарга җиңел генә керә ала. Һәм ел саен нәкъ шушы чорда полиция мәгълүматларында кылынган җинаятьләр арасында гражданнарның шәхси хуҗалыгыннан ит урлау турында хәбәрләр күбрәк була.

Узган елда гына шундый угрылыктан районның Югары Шәкәр, Югары Аллагуат, Сарайса, Бакый, Айдарәле авыллары һәм башка авыл биләмәләре халкы зыян күргән. Әлеге җинаятьләрне тикшергәннән соң аларны авыл халкы да, читтән килгәннәр дә кылуы ачыклана. Нәкъ соңгылары аеруча хәвеф тудыра, чөнки алар берничә җинаять кыла. Җинаятьчеләр сак эш итә, аларның кирәкле инструментлары бар, оператив-тикшерү эшчәнлеге нигезләрен яхшы белә. Полиция тарафыннан ел саен мондый төркемнәр кулга алына, әмма алар урынына шәхси гражданнар исәбенә баерга теләгән яңа угрылар килә.

Үзеңне мондый бәлаләрдән саклау өчен берничә гади саклану чараларын үтәү дә җитә. Мөлкәтне ныклы стеналы һәм әйбәт биге булган бинада сакларга кирәк, өстәвенә ишектә уеп куела торган йозак булырга тиеш. Элеп куя торган йозак җинаять кылучыдан сакламый, аны кул астындагы әйберләр белән җиңел сугып төшерергә яки махсус инструментлар ярдәмендә кисәргә мөмкин. Склад биналарына рәшәткәләр кую зарур. Бүген хәвефсезлегегезне кайгыртсагыз, киләчәктә үзегезне һәм мөлкәтегезне саклап кала алырсыз.

Илшат ХӘМИДУЛЛИН, Русия Эчке эшләр министрлыгының Стәрлебаш районы буенча полициянең участок уполномоченныйлары бүлеге һәм балигъ булмаганнар белән эшләү подразделениесе начальнигы вазыйфасын вакытлыча башкаручы.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хезмәте

8 (34739) 22354

Редакция

8 (34739) 22353

Кабул итү бүлмәсе

8 (34739) 22353

Хезмәттәшлек

8 (34739) 22378

Кадрлар бүлеге

8 (34739) 22354