Гражданнарны вакытында кисәтергә кирәк

"09.30дан 16.00 сәгатькә кадәр 3 секундка кадәр сиреналар яңгыраячак", - ди Гадәттән тыш хәлләр буенча дәүләт комитеты вәкиле.

Шулай итеп, 23 мартта, 9.30дан 16.00 сәгатькә кадәр, Уфаның Дим, Октябрь, Калинин һәм Орджоникидзе районнарында сиреналар тикшереләчәк.

24 мартта, 10.30дан 16.00 сәгатькә кадәр, Уфаның Калинин һәм Орджоникидзе районнарында янә тикшерү узачак.

25 мартта, 10.30дан 16.00 сәгатькә кадәр, Уфаның Ленин, Киров һәм Совет районнарында һәм Башкортстанның башка муниципалитетларында электр сиреналары тикшереләчәк.

22 марттан 26 мартка кадәр төнлә республика территориясендә телевизион һәм радиотапшырулар каналларын техник тикшерү дә үткәреләчәк.

Гадәттән тыш хәлләр турында халыкка хәбәр итү – бик мөһим хәвефсезлек чарасы. Бу гражданнарны төрле факторлар йогынтысы аркасында килеп чыккан авария, яки җимергеч тәэсирдән сакларга мөмкинлек бирә. Кисәтүче сигнал, ул куркыныч, яисә гадәттән тыш хәл булган очракта барлык ашыгыч хәбәрләр җибәрелгәнче халык игътибарын җәлеп итү өчен бирелә.

Чын гадәттән тыш хәл булганда, "Барысының игътибарына!" сигналы 5 минутка кадәр дәвам итә торган электр сиреналары, тавыш тапшырулары һәм сәнәгать предприятияләре кисәтүләре белән тәэмин ителәчәк ", - дип аңлатма бирә комитет.