Ил башлыгы гүзәл затларны котлады

Русия Президенты Владимир Путин хатын-кызларны якынлашып килүче Халыкара хатын-кызлар көне белән котлады.

Котлау сүзләрен ил башлыгы “Без бергә” Бөтенрусия үзара ярдәмләшү акциясендә катнашучылар белән очрашуда әйтте.

"Бүгенге аудиториябезгә мөрәҗәгать итеп, барлык кызларны, хатын-кызларны, безнең бүгенге эшебездә катнашкан барлык гүзәл затларны якынлашып килүче бәйрәм белән котлыйсым килә", — диде Путин.

Ул билгеләп үткәнчә, ир-егетләр 8 Март бәйрәменә бик теләп кушыла.

"Бүген без шул хакта фикер алыштык инде, бу барлык ир-егетләргә үзләрен яхшы яктан күрсәтү мөмкинлеге бирә. Сезне тәбрикләп, изге теләкләремне җиткерәм", — диде дәүләт башлыгы һәм очрашуда катнашучыларга чәчәкләр бүләк итте.