Тәгәрмәчләрне кышкыга алмаштыр!

Тәгәрмәчләрне кайчан алмаштырырга соң? Белгечләр бу эшне календарьга карап түгел, ә һава торышының ниндилегеннән чыгып башкарырга киңәш итә. Әгәр дә төнге һәм көндезге температура уртача +7дән артмый икән, җәйгене кышкыга алмаштырырга кирәк.

Билгеле булуынча, хәзер декабрьдән февраль тәмамланганчы кышкы тәгәрмәчтә генә йөрү турында закон да бар. Әлбәттә, иң мөһиме - хәвефсезлек.

Кышкы һәм җәйге тәгәрмәчләр резина структурасы буенча да, сырлары (протектор) һәм энәләре белән дә аерыла.

Тәгәрмәчләрне вакытында алмаштырыгыз, исән-сау йөрегез!