Барлык буын чик сакчыларына багышлана

Аны ачу тантанасында Стәрлебаш районы хакимияте башлыгы Рөстәм Рахмангулов, район Кораллы Көчләр һәм хокук саклау органнары ветераннары советы рәисе Калимулла Шәрәфетдинов һәм районның чик буе гаскәрләре ветераннары катнашты.

- Бүген без истәлекле вакыйгада – Ватаныбызга намус белән хезмәт иткән чик сакчылары башлангычы белән төзелгән истәлекле корылманы ачуда катнашабыз. Мемориалны урнаштыру идеясе безнең якташларныкы. Коронавирус йогышы пандемиясе аркасында безгә әлеге истәлекле билгенең ачылуын иң яхшы вакытка кичектерергә туры килде. Бу урын очраклы гына сайланмаган - биредә барлык тантаналар уза, шул исәптән Җиңү көненә багышланган чаралар да. Монда без Стәрлебаш җиренең батыр улларына һәм кызларына тирән хөрмәтебезне белдерәбез. Янәшәдә генә Советлар Союзы Геройлары – стәрлебашлылар Әхмәтов Абдулла Шәңгәрәй улы һәм Хәсәнов Сафа Хуҗам улына багышланган аллея. Шулай ук Үзәк мәйданда локаль конфликтларда һәм хезмәт бурычын үтәгәндә һәлак булганнар стеласы урнашкан. Сез ихтирамга лаек, һәм бүген горурлык белән Совет, Русия армиясенең чик сакчысы исемен йөртәсез, - диде Рөстәм Рахмангулов.