"Җиңү открыткалары"нда яугирләребез язмышы чагыла

Бөек Җиңүнең 75 еллыгына багышланган уникаль коллекция ике атна эчендә 10 мең рәсем, коллаж һәм аппликация белән тулыландырылган. Һәр открыткада - ветераннарга рәхмәт, үз илең өчен горурлык һәм дөньяны саклап калу теләге. Бәйрәм белән котлаулар урыс һәм Идел буе федераль округы төбәкләрендә яшәүче халыклар телләрендә яңгырый - Җиңү һәркемгә берәү, ул безне берләштерә. Бу хакта Русия Президентының Идел буе федераль округындагы Тулы вәкаләтле вәкиле аппараты ярдәмендә тормышка ашырыла торган әлеге виртуаль галерея, халык проекты авторлары сөйли. Укучылар һәм студентлар өчен мондый формат - Бөек Ватан сугышы тарихы буенча белемнәрне яңарту мөмкинлеге. Открыткалар чын плакатларны хәтерләтә. Анда хәрби операцияләр, полководецлар һәм геройлар турында сөйләнелә. Эшләрнең бер өлеше тылдагы батырлыкка багышланган. Кайбер авторлар открыткалар ясау өчен гаиләнең шәхси архивларыннан фотографияләр һәм хатлар кулланган, алар Бөек Ватан сугышы фронтларында хезмәт иткән туганнары турында сөйли. Безнең уртак коллекцияне округның һәр кешесе үз эше белән тулыландырырга мөмкин - бары тик форманы пфопобеда сайтында тутырырга гына кирәк. "Открытканы бастырырга" бүлегендә фото яки сканны беркетегез һәм кыска вакыттан соң сезнең эшегез "Җиңү открыткасы" галереясенә керәчәк.

Фото: пфопобеда.рф