Кәбестәне корттан ничек сакларга?

Шуны онытмагыз: кәбестәгә үсенте чагыннан алып сап-салкын су коярга киңәш ителә. Вакыт-вакыт агач көле сибеп тору да бөҗәкләргә үрчергә мөмкинлек бирмәячәк.

Гадәттә, кәбестә йомарлана башлагач, аңа корт төшә, яфракларын тишкәләп бетерә. Мондый вакытта химик чаралар кулланырга ашыкмагыз. Гадәти генә бер чара күрү сезнең эшне күпкә җиңеләйтер. Моның өчен суга 1 стакан аш серкәсе (9 процентлы) салып, кәбестәләргә лейка белән коегыз. Нәтиҗәсен берничә көннән күрерсез. Бөҗәкләрнең, ап-ак күбәләкләрнең әсәре дә калмас. Арзан да, зарарсыз да серкәле су кәбестәләрегезне саклап калырга ярдәм итәр.