Иртәләр күңелле үтте

Стәрлебаш авылының Балалар иҗат йортында матур Яңа ел алды традициясе – хәйрия чаралары үткәрү яшәп килә. Яңа ел бәйрәмнәре алдыннан бездә шөгыльләнгән районның төрле оешма һәм учреждениеләреннән, реабилитация үзәгеннән килгән балалар өчен чын тылсымчы булып безнең коллектив чыгыш ясады, ул һәр баланың теләген тормышка ашырырга тырышты.

Бәйрәмдә Яңа ел тамашасында катнашучыларның барысы да әйлән-бәйлән уйнады. Балалар әкияти маҗаралар мохитенә чумды: алар Белладонна, Фунтик, Сыщик һәм 2019 ел символы - Пеппа дуңгызы белән очрашты. Әкият геройлары балаларны уеннар белән гаҗәпләндерде һәм шатландырды. Бәйрәмгә Кыш бабай һәм Карсылу да килде, иртәдә катнашучы кечкенә балаларны бүләкләре белән сөендерде. Тамаша дәртле җырлар, биюләр, күңелле конкурслар белән үрелеп барды. Әкияти персонажлар балаларга бер минут та тик утырырга ирек бирмәде. Бәйрәмдә катнашучылар уңай тәэссоратлар, бәйрәм кәефе һәм татлы бүләкләр алды.

Иртә бер тында үтте, ә геройлар көчле алкышларга күмелде.

Балалар иҗат йорты коллективы өлкәннәрнең хәстәрлегенә һәм игътибарына мохтаҗ һәр балага могҗизави мохиттә булу мөмкинлеге бирде. Мондый иртәләр бездә берничә тапкыр үтте. Моннан тыш, безнең педагогик коллектив үзәк чыршы ачуда да актив катнашты. Әкият персонажлары костюмнарында белгечләр анда уеннар үткәрде.

Лилия ТИМЕРБАЕВА,

Балалар иҗат йортының өстәмә белем бирү педагогы.

Фото автор тарафыннан бирелде.