“Үлемсез полк” батырлары белән горурланабыз

Район авылларында әлеге акция ныклы традициягә әверелде. Анда чәчләре чаларган ветераннар гына түгел, рәсми кешеләр, урта яшьтәгеләр, укучылар, хәтта балалар да катнаша. Бу бик шәп! Чөнки кечкенәдән үк балаларда Ватанга сөю, иле, гаиләсе, теле, традицияләре өчен горурлык хисе тәрбияләмәсәк, ата-бабаларыбызның батырлыклары турында сөйләмәсәк, бүгенге тыныч тормышка нинди бәяләр белән ирешелгәнлеген аңлатмасак үз тарихын белмәүче буын үсәчәк.

Менә шулай үтте Бөек Җиңү бәйрәме районның аерым авылларында, анда обелискларга веноклар һәм чәчәкләр салып, “Үлемсез полк” акциясен үткәреп кенә калмаганнар, шулай ук сугыш, хезмәт ветераннарын, тыл эшчәннәрен чәй табыны артында хөрмәтләгәннәр, бергәләп фоторәсемгә төшкәннәр.

Фото авыл биләмәләре хакимиятләре тарафыннан бирелде.