Чаңгы юлына чыктылар

Башка елларда ярышлар Ишембай һәм Күмертау шәһәрләрендә үткәрелгән. Киләсе елда спортчылар Ишембай районында, Аркиялан тавы итәгендә очрашачак.

Православие дине тотучылар традициясе буенча ярышларны рәсми ачу дога кылудан башланды, аннары ил һәм республика гимннары яңгырады.

Чараны тантаналы ачуда район хакимияте башлыгы Ф.З.Туктаров барлык катнашучыларга сәламәтлек, иминлек һәм җиңел чаңгы юлы теләде. Владыка Николай, үз чиратында, Фәнүр Зөфәр улына спорт чарасын оештыруда һәм үткәрүдәге ярдәме өчен рәхмәт белдерде, шулай ук барысына да алдагы чаңгы ярышында уңышлар теләде.

Барлык йөгерешләр үзенчә кызыклы булды. Һәркем нәрсә беләндер аерылып торды. Катнашучылар барлык көчләренә тырышты. Алар спортчының яшенә карап 1 км, 1,5 км һәм 3 км дистанциягә ярышты. Билгеләргә кирәк, епархиаль чаңгы юлының иң кечкенә катнашучысына өч яшь, иң өлкәненә – 85 яшь булды!

Ярышта җиңүчеләр һәм катнашучылар кубоклар һәм Почет грамоталары белән бүләкләнде.

Материал район хакимияте сайтыннан алынды.