Иң мөһиме – катнашу!

- Минем теләгем бер – алар гражданлык аңы күрсәтеп, сайлауга килсен һәм лаеклы кандидат өчен тавыш бирсен иде. Якындагы алты елга кемне сайлавыбыздан безнең һәм балаларыбызның гына түгел, Русиянең язмышы бәйле. Аның киләчәге хәл ителә. Бу мөһим нәрсәне тавыш бирүчеләр исемлегенә кертелгән барлык сайлаучылар да аңласын иде. Моның өчен күп тә кирәкми – бары тик паспорт һәм гражданлык үзаңы күрсәтү дә җитә.

- Барысы да элеккечә диярлек. Эчке эшләрнең урындагы бүлеге хезмәткәрләре тәртип саклаячак. Төрле партияләр вәкилләре сайлауның ничек үтүен күзәтеп торачак. Киңәшү тавышы хокукы белән дә, аннан башка да. Беренче тапкыр тавыш бирүчеләр өчен истәлекле бүләкләр әзерләнгән. Бердәнбер яңалык, тавыш бирү көнендә граждан паспортта күрсәтелгән теркәлү урыны буенча булмаса (командировкага киткән, отпускта яки бүтән шәһәрдә яши), яки яшәгән урыны буенча теркәлмәгән булса, ул үзе булган урын буенча тавыш бирүнең яңа тәртибеннән файдалана ала. Менә шул.

- Әйе. Сайлау бюллетеньнәрен эшкәртү комплексы яки сайлаучыларның тавышын исәпләү өчен электрон әрҗәләр сайлауны үтә күренмәлерәк һәм оперативрак итә. Алар булганда электрон әрҗәгә салынган бюллетеньнәр автоматик рәвештә исәпләнәчәк. Бу уңайлы. Әмма, иң мөһиме, нәтиҗәләрне алдап күрсәтү факты булмый. Бездә сайлау бюллетеньнәрен эшкәртү комплексы икәү. Аларның берсе Ленин сайлау участогында, икенчесе – Фрунзе сайлау участогында урнаштырылган.

- Бу имеш-мимеш кенә. Сайлау участокларында чып-чын авторучкалар кулланыла. Алардагы язу карасы бер сәгатьтән дә, бер тәүлектән дә һәм хәтта бер айдан, бер елдан соң да бетми. Шунлыктан, гражданнарыбыз тыныч күңел белән тавыш бирсен. Иң мөһиме, мин башта ук әйтүемчә, алар сайлауга килсен. Бу сайлауда иң мөһим нәрсә.

Рәйсә МУСИНА язып алды.