Эшләр тәмамлануга бара

- Әйе. Җиргә планлаштырылган 23,5 километр торбаның 20 километры салынды да инде, 70кә якын кое урнаштырылды (тагын 28не урнаштырасы калды). Шуңа өстәп тагын бер насос станциясе төзелде һәм километр ярым торба салынды. Бу Тукаев, Б.Арслангулов, Басу урамнарында су бирүне тотрыклы һәм өзеклекләрсез итү максатында эшләнде, анда яшәүчеләр әлеге вакытка кадәр шәхси коеларыннан файдаланды. Район үзәгенең күп кенә урамнарында эшләр тәмамланды. Әлеге вакытта эшләр Ленин (Стәрлетамак ягыннан кергәндә), Мәктәп урамнарында алып барыла. Алардан соң эшчеләр Әхсәнов, Салават, Урал, Жуков урамнарында, “Магнит” кибетенә кадәр К.Маркс урамының бер өлешенә күчәчәк.

- Якынча апрель аенда. Аннары төзекләндерү - асфальт түшәмәне яңарту белән шөгыльләнә башлаячакбыз, чөнки урыны белән асфальтны кисәргә туры килде. Бу якынча 300 кв.м. Шулай ук җир утырган участокларны тәртипкә китерү эшләре бар (мондый эшләрне алып барганда бу гадәти күренеш). Шуны да билгеләргә кирәк, әлеге вакытта “Солнечный” һәм “Северный” микрорайоннары өчен проект эшләре алып барыла, ягъни 13 урам халкын, Ватанны Саклаучылар урамыннан башлап Энергетиклар урамына кадәр су белән тәэмин итү каралган.

Иске суүткүрү системасы тузу сәбәпле, 2019 елга кадәр этаплап яңасына күчү күздә тотыла.

- Моның өчен башта без аларны республикадан кабул итәргә, ягъни кабул итү актына кул куярга тиешбез. Ә халык, үз чиратында, үз исәбенә шәхси технологик коелар урнаштырырга бурычлы (ике боҗра, капкач, люк). Бу мотлак шарт. Ләкин... моңардан куркырга кирәкми. Боҗраларны монтажлау бәясен төшерү өчен, күршеләр берләшеп, 2-3 өйгә берне куярга мөмкин. Тоташтыру бәясе җаваплылыгы чикләнгән “Стәрлебаш су каналы” җәмгыяте һәм тариф комитеты арасында җайга салына. Аның һәм коеларны урнаштыра башлау вакыты турында без халыкка өстәмә хәбәр итәчәкбез.

Рәйсә МУСИНА язып алды.