Җылы, уңайлы, бизәкле

Авыл хатын-кызлары пималарны матур итеп бизәгән һәм аларны киеп, халык алдында күрсәтте: җырлады, биеде, кул эшләрен тәкъдим итте. Пималар жюри хөкеменә дә куелды. Чарада катнашучылар розалар, кар бөртекләре чигелгән, гадәти булмаган төсләрдә – кызыл, зәңгәр пималары белән сокландырды.
Конкурста катнашучыларның барысы да Грамоталар һәм бүләкләр алды.
Шунда ук, янәшәдә балалар хоккей уйнады, алар да пималарда иде! Кунакчыл тирмә халык бәйрәменә килүчеләрнең барысын да сый тулы чәй табыны белән көтеп торды. Шуңа күрә тәмле-тәмле ризыкларны һәм самавыр чәен авыз итмичә беркем дә кайтып китмәде.
Рәйлә ТАЙГУНОВА. Р.ЯГЪФӘРОВ фотосы.