Сайлаган һөнәрләрендә ялгышмаганнар

Һөнәри бурычларына ярашлы, алар районның авыл биләмәләрендә яшәгән юридик һәм физик шәхесләр булган бурычлыларның документларын үти. Яшь белгечләрнең бурычлары күп - бурычлыларны эзләү, бурычлыларны җинаять җаваплылыгына тарттыру турында тикшерү материалларын җыю һәм тәү тикшерүчегә тапшыру, милеккә арест салу, штрафларны түләтү.

- Эшебез җиңелдән түгел, - ди бүлек начальнигы Урал Әминев. - Шунысы сөенечле, хезмәткәрләр, яшь булуга карамастан, белемле, аралашучан һәм ярыйсы ук тәҗрибәле. Коллективка бик тиз өйрәнделәр, иптәшләреннән тәҗрибә туплыйлар. Максатка омтылучанлык һәм җаваплылык - аларның иң мөһим сыйфатлары, шуның нәтиҗәсендә Шәүкать һәм Аяз хезмәттәшләренең һәм җитәкчелекнең хөрмәтен яулап өлгерде, - ди Урал Минехаҗи улы.

Кайвакыт стресс яки агрессив хәлдәге кешеләр белән аралашырга туры килә, шуның белән дә эш авырая, диләр приставлар үзләре һөнәрләре турында сөйләп.

- Без һәркемнең хәленә объектив карарга, бурычлылар белән итагатьле сөйләшергә һәм уртак тел табарга тырышабыз. Әмма, дөресен әйткәндә, бу бик җиңел түгел, - ди егетләр. Шәүкать һәм Аяз сайлаган һөнәрләрендә ялгышмадык, ди һәм, барлык авырлыкларга карамастан, суд приставлары булып эшләү аларга ошый.

ҮЗ ХӘБӘРЧЕБЕЗ. А.ЗӘЙНЕТДИНОВ фотосы.