Бүген — Бөтендөнья метеорология көне.

Русия Гидрометеорология хезмәте бай тарихка ия. 1834 елның апрелендә Санкт-Петербургта император Николай I имзасы белән беркетелгән һәм закон көченә ия булган документ нигезендә Нормаль магнит-метеорология обсерваториясе төзелә. Шул вакыттан Русиядә метеорология һәм магнит кыры күзәтүләре бердәм күрсәтмә буенча алып барыла башлый.

XX гасырга илдә барлыгы 1400 метеорология күзәтү станциясе булган.

Табигать шартларын алдан анализлау якынча 40 процентка кадәр икътисади югалтуларны булдырмый калырга ярдәм итә, ди Русия метеорологлары.

Кешеләрнең үз-үзен ничек хис итүе, психологик халәте дә табигый аномалияләрне алдан белеп торуга бәйле.