Сихри һәм хисле бәйрәм – Гашыйклар көне

- Минем фикеремчә, бу көннең бернинди кысалары юк. Аны һәркем үзенчә бәйрәм итә ала. Туганнарыма, ахирәтләремә һәм, әлбәттә инде, сөекле әниемә җылы хисләремне белдерергә, ярдәмнәре өчен рәхмәт әйтергә ниятлим.

- Гашыйклар көне – бик матур бәйрәм. Кызганычка каршы, бу көнне бөтен кеше дә бәйрәм итми. Мәхәббәт – тормышта иң мөһим нәрсә – гаилә нигезе. Сөеклемә истә калырлык сувенир, чәчәк бәйләме бүләк итү, барысы өчен дә рәхмәт әйтү өчен яхшы сәбәп. Көндәлек мәшәкатьләр белән без еш кына җылы сүзләргә вакыт таба алмыйбыз яки онытабыз.

- Миңа 55. Пенсионер дисәң дә була. Нинди Гашыйклар көне инде диючеләр табылыр. Алай булмый торсын әле! Күңелем белән мин үземне яшь итеп тоям. Һәм мотлак бу бәйрәмне билгелим. Балаларны, ахирәтләрне, дусларымны котлыйм. Аларга Интернет аша Валентинкалар җибәрәм. Бу бәйрәмнең булуына, кешеләрнең бер-берсенә чираттагы тапкыр сөюен белдерә алуына сөенәм.

Лиана ЯРМИЕВА.