Алдынгылар исәбендә

Аңа беркетелгән ЗИЛ автомашинасы һәрвакыт юлда. Машина йөртүче вазыйфасына ашлык һәм башка авыл хуҗалыгы продуктларын ташу керә. Һәм әйтергә кирәк, үзенең бурычларын Алик Гафан улы бик яхшы башкара. Яшь булуына карамастан, ул зур бүләккә лаек булган – авыл хуҗалыгының иң яхшы эшчәне дип танылган һәм авыл эшчәннәре слетында район Советының Почет грамотасы белән бүләкләнгән. Хезмәт биографиясендә әйбәт башлангыч.

Алик – Бакый егете. Стәрлебаш училищесында автомеханик һөнәрен үзләштергән, бер үк вакытта икенче – эретеп ябыштыручы һөнәрен дә алган, ул егеткә киләчәктә кирәк булачак. Аннары армиядә эчке гаскәрләрдә хезмәт иткән. Хәрби бурычын үтәгәч, җитдиләнгән һәм тормыш тәҗрибәсе туплаган егет, өйгә кайтып, агрофирманың хезмәт коллективына кушылган.

Билгеләргә кирәк, тырышлык һәм эш сөючәнлек аның канында бар. Әтисе – Гафан Галимәрдан улы озак еллар механизатор, әнисе – Светлана Петровна – терлекчелек фермасында лаборант булып эшли. Аларның гаиләсе авылдашлары арасында ихтирам белән файдалана.

ҮЗ ХӘБӘРЧЕБЕЗ. Ф.ЙОСЫПОВА фотосы.