+13 °С
Болытлы
Барлык яңалыклар
Авылымның асыл кешеләре
12 март 2018, 11:22
Мавыгу белән һөнәр туры килгәндә...
Бәхет нидә? Көн саен йөргән эшең зур канәгатьләнү китерсә, сине һәрчак елмаеп каршы алсалар, рәхмәт сүзләрен кызганмасалар, башкарган эшләрең үзеңә генә түгел, башкаларга да шатлык китерсә — шундадыр, мөгаен. Стәрлебаш балалар иҗаты йортының өстәмә белем бирү педагогы Лилия Хәкимова нәкъ шундый бәхетле кешеләрнең берсе.
Лилия Мөдәрис кызы районның Гөлем авылында туып-үскән. Балачактан чигү белән мавыккан. Хәер, яшьтәшләре дә шулай — мәктәптә укыганда ук чигәргә, бәйләргә өйрәнгән. Тора-бара дөнья мәшәкатьләре басып, кул эшләреннән бераз читләшкән.
— Бик күптән чиккән юк иде, — ди Лилия Тимербаева. — Ә “Кызыл таң” игълан иткән кулъяулыклар конкурсы турында ишеткәч, дәртләнеп киттем. Чигеп карыйм әле, дип тотындым. Бик тырыштым. Яшь чаклар искә төште. Эшнең нәтиҗәсен күрдем дә арытаба бу эшне балалар белән бергәләп башладык.
Безнең Иҗат йортына бик сәләтле балалар йөри. Кулларыннан килмәгән эш юк. Картиналар, мендәр тышлары эшлибез. Барлыгы дүрт төркемдә шөгыльләнәләр. Өлкән сыйныфларда укучылар да йөрер иде, тик вакытлары бик тар, укулары күп.
Лилия Мөдәрис кызы Иҗат йортында алты ел эшләгән. Узган елдан балалар белән эшләүгә күчкән.
— Шулкадәр рәхәт, көннең үткәнен сизмим дә. Нәтиҗәсе шундук күренә. Район, республика конкурсларында катнашабыз, җиңүләребез бар, — ди ул.
Балалар өчен сөенәсе генә кала. Алар киләчәк тормышка әллә никадәр һөнәр алып чыга биредә.
"Кызыл таң" гәзитеннән.
Читайте нас:
© 2020-2024 Сайт издания "Стәрлебаш чишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хезмәте
8 (34739) 22354
Редакция
8 (34739) 22353
Кабул итү бүлмәсе
8 (34739) 22353
Хезмәттәшлек
8 (34739) 22378
Кадрлар бүлеге
8 (34739) 22354