+28 °С
Болытлы
Җәмгыять
22 октябрь 2019, 13:06
Красноярскида дамба җимерелгән урында 18 килограмм алтын белән сейф табылган
Кызганыч, бернинди алтын-көмешләр дә биредә һәлак булган 17 кешене кайтара алмый. 3 кеше әлегә хәбәрсез югалган булып исәпләнә.
Урындагы хакимияттән хәбәр итүләренчә, артель «Сибзолото» холдингына карый, тик беркайда да теркәлмәгән. Тикшерүчеләр мәгълүматларына караганда, участок башлыгы су басу зонасында эшчеләр бистәсе төзүнең куркыныч булуын белергә тиеш булган. Ул артельнең генеральный директоры һәм участок мастеры белән бергә кулга алынган.
Алтын тулган сейф дамбаны җимергән елга култыгыннан табылган. Аны ачып, алтынын каза күрүчеләр мәнфәгатендә файдаланырга уйлыйлар. Ә алар саны 27гә җиткән.
"Кызыл таң" гәзитеннән.
Фото: Ачык чыганаклардан
