СМСка җавап бирсәң - талыйлар!

Октябрьсикийда яшәүче берәүнең телефонына шундый эчтәлекле хәбәр килә. «Электрик Ф. для вас ммс: smsbf.me/390» Ул әлеге сылтанмага баса. Берничә минуттан танышлары шалтырата башлый, чөнки аларга шушы телефоннан начар смслар килә. Аның хуҗасына хокук саклаучыларга мөрәҗәгать итүдән башка чара калмый.

Бераздан ул шушы телефондагы "Сбербанк онлайн" битенә керә һәм аннан акча югалуына тап була. Әлеге хәл буенча җинаять эше кузгатыла.

Бу чорда интернет, телефон мошенникларның активлашуы күзәтелә. Социаль челтәрләрдә күптән аралашмаган танышыңнан: "Привет! Как дела?" - дигәнрәк хат килеп төшсә, бу инде алардан беренче сәлам килде дигән сүз.

Тагын бер төре - "Привет, взгляни на ее новые фото", арытаба күрсәтелгән сылтанма белән керсәң, әзер бул - син акча караклары тозагында.

Бу очракта кичекмәстән банк картасына блок куярга һәм хокук саклаучыларга мөрәҗәгать итәргә кирәк.