Коллекторларны да йөгәнләү әмәле бар

Телефоннан шалтыртып җанына тигәч, аларга зарланып, суд приставлары идарәсенә бер ханым шалтырата. Идарә белгечләре, челтәрле элемтә операторларына мөрәҗәгать итеп, телефоннан сөйләшүләр турында мәгълүмат ала. Алынган җаваплар гариза бирүченең дәгъвалары дөреслеген раслый һәм бу “Финколлект”ны административ җаваплылыкка тарттыру өчен нигез була. Бөтен материаллар да судка җибәрелгән.

Исегезгә төшерәбез, законга ярашлы, бурычлыга коллекторлар көненә — бер, атнасына — ике, аена сигез тапкырдан да артыграк шалтырата алмый. Әгәр дә аларның гамәлләре хокукларыгызны боза икән, Суд приставлары идарәсенә мөрәҗәгать итегез.