Икенче балагызны табып өлгерәсезме?

Торак сатып алу өчен елына 6 процент ставка белән кредит бирү “Демография” дәүләт проектына кертелгән. Ташламалы ипотека программасына шушы елның 1 гыйнварыннан 2022 елның 31 декабренә кадәр икенче яисә өченче баласы туган гаиләләр эләгә.

Программаның гамәлгә кертелүе турында былтыр ноябрьдә Президент Владимир Путин белдергән иде.

Вице-премьер Татьяна Голикова сүзләренә ярашлы, быел 6 процент белән 2 миллиард сумлык кредит бирелгән. Гомумән, агымдагы елда программага — 5,9 миллиард сум, киләсе елга — 9,2 миллиард сум, 2020 елга 11,5 миллиард сум акча салынган.

"Кызыл таң" гәзитеннән.