БСТ телеканалында - Кытай мәдәнияте

Алар Башкортстанның төп телеканалы БСТ оештырган “Аньхой провинциясенең БСТ телеканалында телевидение атналыгы” чарасы ачылу тантанасында катнашты.

“Башкортостан” медиахолдингы, Аньхой университетының Русияне өйрәнү үзәге һәм Аньхой телекомпаниясе арасындагы хезмәттәшлеккә былтыр июньдә кул куелган иде. Кытайлылар әзерләгән материаллар БСТ телеканалында декабрьдән күрсәтелә башлады. Күптән түгел Кытай телевидениесендә “Шулгәнташ” фильмының премьерасы булды.

14 майдан “Аньхой провинциясенең БСТ телеканалында телевидение атналыгы” старт ала. Телевизор караучылар “Аньхой провинциясендә электрон коммерциянең тарихи үсеше”, “Аньхой провинциясенең төньягындагы гадәти ризыклар”, “Аньхой провинциясе белән югары тизлектәге поезда танышу: янә юлда”, “Кытай эш кабинетының дүрт кыйммәтенең берсе”, “Хуаншаньның биек таулары”, “Гаилә фоторәсемнәрендә Сяоган турында истәлек” документаль фильмнары белән таныша алачак.